Жыву ў Беларусі і тым ганаруся
Штогод ў снежні месяцы ў Нацыянальным дзіцячым адукацыйна-аздараўленчым цэнтры “Зубраня” падводзяцца вынікі рэспубліканскай акцыі “Жыву ў Беларусі і тым ганаруся”.
Удзельнікамі гэтага выніковага мерапрыемства сталі навучэнцы ДУА “Сярэдняя школа № 2 г. Докшыцы” Наумец Ірына і Яцкоўская Ганна. Дзяўчаты сталі пераможцамі абласнога этапу Рэспубліканскага конкурсу творчых работ “Мае землякі – мой гонар” у намінацыі “Гонар і слава маёй Бацькаўшчыны”.
Ірына і Ганна прадстаўлялі сваю творчую працу “Яе жыццё – тэатр”, прысвечаную таленавітаму чалавеку, рэжысёру Докшыцкага народнага тэатра Ганне Васільеўне Яцкоўскай. У сваёй прэзентацыі яны расказалі аб творчым жыцці рэжысёра, пра поспехі і дасягненні народнага тэатра.
Па выніках удзелу ў акцыі нашы дзяўчынкі былі адзначаны дыпломам Нацыянальнага цэнтра мастацкай творчасці дзяцей і моладзі Міністэрства адукацыі Рэспублікі Беларусь.
Савулава В.П. – педагог-арганізатар
ДУДА “Докшыцкі раённы цэнтр дзяцей і моладзі”